قال الشيخ جمال البمباوى، شقيق الحاج سمير البمباوى، أول فلاح مصرى  يعلن نيته الترشح لرئاسة الجمهورية فى انتخابات عام 2012،  إن المشير السيسى زاره فى المنام قبل أيام وأخبره أنه رئيس مصر القادم .

وأضاف البمباوى إنه فوجئ قبل أيام أثناء نومه  بشخص يرتدى قميصاً أبيض وبنطلون ونظارة، وحينما اقترب تبين أنه المشير عبدالفتاح السيسى ، ومسكه من  يده وقال له :"قوم انت زعلان منى ليه يا شيخ جمال " فرد عليه " مش حرام عليك الشباب والناس اللى موتها و الدم اللى سال "  فأجابه :" والله أنا مش مسئول عنه .. انت عاجبك وضع مصر كده واللى بيحصل " فقال له  لا ، فبادره بإخراج ورقة وقلم  وقال له اكتب كل اللى انت عاوزه  هاعمل اللى انت عاوزه وهاشغل اللى انت عاوز تشغله ومحدش هيعمر مصر غيرى ، أنا رئيس مصر إن شاء الله والأمور هتتغير ومصر هتبقى أحسن من كده بكتير جدا "

وأضاف الشيخ جمال :" استيقظت من النوم ووجدت نفسى اردد ربنا يصلح حالك وينصرك على الإرهاب ويبارك لك 

ومن جانبه ،  أكد  الحاج سمير البمباوى أن شقيقه جمال معروف بتدينه وإطلاقه اللحية وكان من المؤيدين للرئيس المعزول محمد مرسى ، ويحرص دائماً على النوم متوضئاً واداء صلاة الفجر حاضراً  مشيراً إلى أن ما شاهده رؤيا حقيقية  تعد بشارة لجميع المصريين بالخير الذى تحمله الأيام القادمة لمصر بنجاح المشير السيسى  وتوليه الرئاسة فى مصر .