 كتب الحاج سمير البمباوى قصيدة جديدة بعنوان :" عاش الشعب المصرى عاش" وجاءت كلماتها فيما يلى:
عاش الشعب المصرى عاش
كلمات الحاج سمير البمباوى
عاش الشعب المصرى عاش .. ياما جت كوارث كتير ومهمناش
قطعوا المعونة عنا ومجوعناش . مصر طول عمرها هاتدى وهاتدى وما تنساش
ممكن تحزن شوية .. ممكن تغفل شوية .. بس ساعة الجد عفية
يا حلاوتك يا مصر لما بتروقى بتصنعى المعجزات .. هما نسيوا دانتى ارض الحضارات
يا مصرى ياللى حفرت القنال .. وبنيت على النيل السد العال وشاهد أبو الهول على الأهرامات
وعلمت العالم الفلك والحسابات .. مش كتير علينا نحفر قنال واتنين وتلات
علشان مصر تعلم الخواجات .. مصر لما تنوى نعمل مفاجآت .. وفى عهد الرئيس السيسى هايعوضنا كل اللى فات
حلفتك برب السما .. تحافظ على مصرنا .. من أى عدو يضرنا فى توراه وإنجيله وقرآنه
ربك ذكر مصرنا وتجلى على أرضنا يبقى مين يقدر فى الكون يغمنا .. مش قلت لك معانا ربنا .. والنبى قال عنها خير أجناد الله جيشها .. يبقى مين يقدر يهزها .. دانت واهم ياللى تقرب منها .. داللى يقرب من ارضها تبقى جهنم .. طولها فى عرضها .. مين يقدر عليكى يا ست الكل .. دانتى بيغنوا لك غناوى .. أى والله بتهز وجدان الحبايب تسلمى يا ست الكل .. تسلمى من كل كايد .. تحيا مصر
| 
